ORBIT OST. Целлюлитке қарсы бағдарлама

Целлюлит - бұл терінің ерекше жағдайы, оны халық арасында «апельсин қабығы» деп те атайды. Бұл атау целлюлиті бар терінің кедір-бұдыр болып көрінуіне байланысты. Қызғылт сары түсті жемістің барлық дәмдік ерекшеліктеріне қарамастан, денені бұлай салыстыру аса сүйкімді көрінбейді. Айта кету керек, мұндай проблемадан тек әйелдер ғана зардап шегеді. Еркектер, тіпті денесі іркілдеп тұрған ең семіздері де «апельсин қабығы» туралы алаңдамаса да болады. Нәзік жандылардың арасында бұл косметологиялық проблема 80-95% жағдайда кездеседі.

Целлюлиттің себептері

Шындығында, медицинада тері астындағы тіндердің жедел қабынуын целлюлит деп атайды, бірақ біз күнделікті өмірде целлюлит деп дененің үстіндегі ерекше өзгерістерді ғана атаймыз. Олар тері тонусының әлсіреуіне, сондай-ақ қан мен лимфа айналымындағы тоқырау құбылыстарына байланысты пайда болады. Көптеген косметологтар теріде кедір-бұдырлардың пайда болуының негізгі себебі - әйелдің ерекше табиғатына байланысты деп санайды. Себебі, әйелдің терісі құрсақты көтеру мақсатында шамадан тыс созылуға арналған. Бұл сөзсіз теріні осал етеді, әсіресе репродуктивті маңызды аймақтарда: іште, жамбаста және бөкседе. Әдетте, целлюлит әйелдердің гормондары көбейген кезде пайда болады.

Егер сізді целлюлиттің пайда болуы немесе ұлғаюы алаңдатса, оның қозуына қандай факторлар ықпал ететінін білуіңіз керек:

• Тұқым қуалаушылық. Әрине, онымен күресу қиын, тек дайын болу керек.
• Дұрыс тамақтанбау. Ең алдымен, бұл рационыңызда жануарлар майларының көп болуына және өсімдіктен жасалған тағам мөлшерінің аз болуына қатысты.
• Жүріс-тұрысы аз өмір салты.
• Гормоналды фонның бұзылуы (мысалы, репродуктивті жүйесі органдарының аурулары салдарынан).
• Алкогольдік ішімдіктерді салынып ішу және темекі шегу.

Целлюлитті емдеу

Егер сіз осы факторлардың барлығын ескергеннен кейін де, сіздің жамбасыңызда, ішіңізде немесе денеңіздің басқа бөліктерінде «апельсин қабығы» пайда болса, сізге бірнеше емдеу әдісі көмектесе алады. Көптеген косметологиялық клиникалар целлюлитке қарсы кешенді бағдарламаларды ұсынады. Олар бұлшықеттер мен тіндерге микростимуляциялармен әсер ететін қандай да бір аппараттардың жұмысына негізделуі мүмкін. Неғұрлым радикалды әдіс - липосакция - артық май жасушаларын сору процедурасы. Бірақ бұл мүлдем үміті үзілген әйелдерге арналған.

Целлюлитке арналған массаж бағдарламасы

Массаж - әлдеқайда қауіпсіз және жарақатсыз процедура. Ол қан айналымын жақсарта отырып, целлюлит болған кезде жақсы көмектеседі. Үйде ORBIT OST МР-2 матрасының профилактикалық бағдарламасын қолдануға әбден болады. Онымен сіз өзіңізге ыңғайлы уақытта және қолайлы жағдайда профилактикалық және емдік процедураларды жүргізе аласыз.

Бағдарлама сіздің қалауыңыз бойынша 15 немесе 30 минутқа созылуы мүмкін және мыналарды қамтиды:

15 минуттық массаж:

• Бұлшық еттерді қыздыру (W1 толқындық массажы) - 2 мин.
• Лимфа жүйесін белсендіру (W2 толқындық массажы) - 11 мин.

30 минуттық массаж:

• Бұлшықеттерді қыздыру (W1 толқындық массажы) - 8 мин.,
• Лимфа жүйесін белсендіру (W2 толқындық массажы) - 22 мин.